TÜRMEDEN KVİSA

                                    NÖYÜT

Türmədən ksiva ¹ 13

 NÖYÜT

Gözləyirik dəhlizə çatmır nöyüt

Ay Bakı-Ceyhan, bizə çatmır nöyüt

Guya deyirlər tükənir “ Şahdəniz ”

 Ac qalacaq bəs qaravaş, qul kəniz

Yumru sifət, ətli ovuc, ağ bəniz

Sürtməyə gen-bol üzə çatmır nöyüt

Ay Bakı-Ceyhan, bizə çatmır nöyüt

Durbamızın siftəsi çıxmaz boşa

Qorxusu var - YAP pulu görcək coşa

Haykanuşun vedrəsi cüt-cüt, qoşa

Amma yazıq Nərgizə çatmır nöyüt

Ay Bakı-Ceyhan, bizə çatmır nöyüt

Sıx boğazın əlli nədir, lap min al

Tezcə yüyür gəl, boşalıb terminal

Bölgüdə çəm-xəmlədi boz kardinal,

Təkcə fağır Murtuza çatmır nöyüt

Ay Bakı-Ceyhan, bizə çatmır nöyüt

Gürdi kəmər lap ölü tək xəndəyə

Çıxmır üzə, - Xalq da mübarək dey ə

Kim ki deyir neft dirənib xirtdəyə

Gərçi dayazdır, dizə çatmır nöyüt

Ay Bakı-Ceyhan, bizə çatmır nöyüt

Başdadı korrupsioner - Lövhədə

Dinmə orucdur ya da “ ət-tövbədə

 ” Əyrilərin həpsi durub növbədə

Yandım ay Allah, düzə çatmır nöyüt

Ay Bakı-Ceyhan, bizə çatmır nöyü

tRüşvəti bol, “ şapkası ” bol, hərbi nə?

Sülhlə dözək erməninin zərbinə

Girdi Iran Ayravanın qəlbinə,

Orda da heç Təbrizə çatmır nöyüt

Ay Bakı-Ceyhan, bizə çatmır nöyüt

Durba uzandıqca, tamah da uzanır (Natiq Əliyev)