BABA PÜNHANDAN SEÇMƏLƏR
Bir xəta söz bir fəlakətçün təməldir susginən,
Hər fəlakət çox həlakətçün əməldir susginən.
Öylə yer var kim, dinərsən sözlərin nöqsan çıxar,
Böylə yerdə bir baxış sözdən gözəldir susginən.
Hər fəlakət çox həlakətçün əməldir susginən.
Böylə yerdə bir baxış sözdən gözəldir susginən.
Hər şeyin ən ibtidası həm təmiz, həm doğrudur,
Yəni ki, susmaq danışmaqdan əzəldir susginən.
Mən ürək oynatdım at yox, şer meydanında bil,
Aləmə səs salma ki, təbim əfəldir susginən.
Özgədən məna götürmək xislətimdə yox mənim,
Söz ümumi, leyk hər mənam özəldir susginən.
Sözlərin ömrün qışın yaz eyləyirsə yaz yarat,
Yox əgər görsən ki, solmuş bir xəzəldir susginən.
Sən məni susdurmağa qadir deyilsən, ey gəda,
Çünki bir şahəm tacım Allahdan əldir susginən.
Bir qonaq var hər yerə pünhan gələr, aşkar gedər,
Gəlsə, Pünhan, salma hay küy, bu əcəldir susginən!
16 may, 2001
