Zakir Qaralov sağalıb
Baş prokuror gələn həftə işə çıxacaqSentyabrın 15-də xəstəliyi ilə əlaqədar Mərkəzi Neftçilər Xəstəxanasına yerləşdirilən baş prokuror Zakir Qaralovun səhhəti tam normaldır.
Bu barədə məlumatı “Olaylar”a Respublika Prokurorluğunun mətbuat xidmətinin rəhbəri Vüqar Əliyev verib. Onun sözlərinə görə, Zakir Qaralovun səhhəti hazırda normaldır və o özünü yaxşı hiss edir. Lakin baş prokurorun məzuniyyət müddəti hələ bitmədiyindən o işə çıxmayıb. Vüqar Əliyev qeyd edib ki, Zakir Qaralov gələn həftədən vəzifəsinin icrasına başlayacaq.
