Bu gün erməni zabiti Qurgen Marqaryanı qətlə yetirdiyinə görə ömürlük azadlıqdan məhrum edilən Azərbaycan Ordusunun zabiti Ramil Səfərovun məhkəmə nəzarətçiləri ilə olan insidentlə bağlı Budapeşt Şəhər Peşt Rayon Məhkəməsinin 17 noyabr 2006-cı il tarixində çıxardığı hökmdən verilən apellyasiya şikayəti üzrə məhkəmə iclası keçirilib.

Azərbaycanın Macarıstandakı səfirliyindən APA-ya verilən məlumata görə, proses 2 saat davam edib. Dövlət ittihamçısı məhkəməyə gəlmədiyi üçün onun müraciəti oxunub. Dövlət ittihamçısı məhkəmədən Ramil Səfərovla bağlı 17 noyabr 2006-cı ildə verilən cəzanın ağırlaşdırılmasını xahiş edib. Zabitimizin macar vəkili Klara Fişer isə məhkəmədən cəzanın yüngülləşdirilməsini istəyib. Daha sonra çıxış edən Ramil Səfərov vəkilin fikirləri ilə razılaşdığını bildirib. Sonda hakim Qobor Şomodi qərarı açıqlayıb. Apellyasiya Məhkəməsi Budapeşt Şəhər Peşt Rayon Məhkəməsinin 17 noyabr 2006-cı il tarixdə çıxardığı hökmün (şərti olaraq 8 aylıq cıza) qüvvədə saxlanılması barədə qərar çıxarıb. Prosesdə Azərbaycanın Macarıstandakı səfirliyinin əməkdaşları da iştirak ediblər.

Dekabrın 10-da Beynəlxalq İnsan Haqları Günündə Bakıda insan haqlarının müdafiəsinə həsr olunmuş mitinq keçiriləcək. Bu barədə noybarın 8-də mitinqin təşkilt komitəsinin keçirdiyi mətbuat konfransında Azərbaycan Naminə İctimai Forumun prezidenti Eldar Namazov məlumat verib. O qeyd edib ki, aksiyada jurnalistlərin hüquqlarının müdafiəsinə dair də şüarlar və çıxışlar səsləndiriləcək.
Noyabrın 10-dan mitinqə hazırlıqlara başlanacağını deyən Eldar Namazov həmin gündən etibarən Azərbaycanda insan haqlarının müdafiəsi aylığı elan edilməsini təklif edib.
«Bilirsiniz ki, BMT-nin insan haqlarına dair deklarasiyası məhz dekabrın 10-da qəbul edilib. Azərbaycan da həmin deklarasiyaya qoşulub. Deklarasiyada 30-a yaxın maddə var. Araşdırma aparsaq görərik ki, onların əksəriyyəti təmin edilməyib. Bir neçə bənd var ki, qismən təmin edilib».

Eldar Namazov qeyd edib ki, mitinqin kütləviliyini təmin etmək üçün gənclər təşkilatları arasında müsabiqə elan ediləcək. Ən yaxşı plakat və şüarlardan aksiyada istifadə olunacaq. Eyni zamanda insan haqlarına dair fotosərgi təşkil ediləcək. Dekabrın 8-9-da isə Bakıda insan haqlarının müdafiəsinə həsr olunmuş beynəlxalq konfrans keçirilməsi planlaşdırılır. Mitinqdə dünya KİV-nin və Azərbaycandakı xarici diplomatik korpuslarının nümayəndələrinin iştirakının təmin edilməsi də nəzərdə tutulub./ANS PRESS/

Millət vəkili Pənah Hüseyn Milli Məclisdə «Sərbəst Toplaşmaq Azadlığı Haqqında» Qanuna dəyişiklik edilməsi təklifi ilə çıxış edəcək. Bu barədə millət vəkili Azərbaycanda insan haqlarının müdafiəsinə həsr olunmuş mitinqin təşkilat komitəsinin brifinqində açıqlama verib. Onun fikrincə, dünyanın heç yerində aksiya keçirmək üçün müvafiq orqanlara edilən müraciətlərə mitinqə 3 gün qalmış cavab vermirlər. Əksinə müraciət edildikdən 3 gün sonra cavab verilir.

Pənah Hüseyn mitinqlə bağlı Bakı meriyasına edilən müraciətlərə şöbə müdiri səviyyəsində cavab verilməsini qanunsuz adlandırıb. «Bakı şəhər İcra Hakimiyyəti başçısının aksiya keçirib keçirməmək barədə sərəncamı olmalıdır. 2-3 ildir biz bu təhqiramiz cavablarla üzləşirik, amma bunların biri də Avropa Məhkəməsinə gedib çıxmır. Hesab edirəm ki, bununla bağlı Avropa Məhkəməsinə müraciət etməliyik. Bu iddiaya növbədənkənar baxılmasına çalışmalıyıq ki, əlimizdə istinad edəcəyimiz əsaslı bir sənəd olsun. Belə olan təqdirdə bizim müraciətlərimizə də münasibət dəyişəcək», - deyə Pənah Hüseyn bildirib. /ANS PRESS/

Siyasi partiyalar və QHT-lər PKK-nın terrorçu təşkilat kimi tanınması üçün Milli Məclisə müraciət göndərdi

Dünən Azərbaycanın yüzdən çox vətəndaş cəmiyyəti qurumu, siyasi partiyaları və Milli Məclisin deputatları PKK-nın terrorçu təşkilat kimi tanınması ilə bağlı Milli Məclisə müraciət edib. Sənəddə bildirilir ki, Azərbaycanın da daxil olduğu geopolitik bölgədə PKK-nın yenidən fəallaşması regionda sabitliyin daha da pozulmasına və terrorizmin yayılmasına səbəb olacaq. “PKK təkcə Türkiyə üçün deyil, terroristlərin hədəf götürdüyü bütün bölgə dövlətləri, o cümlədən, Azərbaycanın milli təhlükəsizliyi üçün də ciddi təhlükədir".
Vətəndaş cəmiyyətlərinin və siyasi partiyaların nümayəndələri Sülh və Demokratiya Institutunun təşəbbüsü ilə Avropa otelində keçirilən forumunda iştirak edib.
“Ümid” partiyasının sədri Iqbal Ağazadə bildirib ki, PKK terroru təkcə Türkiyəyə qarşı deyil, regionun əsas iqtisadi layihələri olan Bakı-Tbilsi-Ceyhan və Bakı-Tbilisi-Ərzurum kəmərlərinə qarşı da yönəlib. “Məhz bu səbəbdən də PKK təkcə Türkiyənin deyil, bütövlükdə regionun problemidir. Bu səbəbdən də region dövlətləri, Türkiyə, Azərbaycan və Gürcüstan PKK-ya qarşı birgə mübarizə aparmalıdır. Iran da bu mübarizəyə qoşulmalıdır".
“Müsavat” partiyasının başqanı Isa Qəmbər bildirib ki, PKK-ya qarşı mübarizə məsələsi “Müsavat” partiyasının daimi mövqeyidir. “Azərbaycan PKK terroruna qarşı mübarizədə Türkiyəyə dəstək verməlidir. Biz Milli Məclisin PKK-nı terror təşkilatı kimi tanımasını istəyirik”.

Gecə Qaradağ rayonu, Qobustan qəsəbəsində baş verən ağır yol qəzasında ölənlərin sayı 14-ə çatıb. Qohumlarının ANS PRESS-ə verdiyi məlumata görə, adı naməlum qalan sonuncu şəxs Pərviz Atakişi oğlu Babayevdir. Digərləri isə aşağıdakılardır:

Mikravtobusun sürücüsü Babayev Atakişi Şahbaz oğlu

PKK probleminin Türkiyə prezidenti Abdulla Gülün Azərbaycana səfəri zamanı müzakirə olunması istisna olunmur. Türkiyənin Azərbaycandakı səfiri Hüseyn Avni Qarslıoğlunun fikrincə, bu məsələdə rəsmi Bakı həmişə Ankaraya dəstək olub və əlindən gələn köməyi əsirgəməyib.

    Səfirin sözlərinə görə, Azərbaycanın PKK-nı terror təşkilatı kimi qəbul etməsinə Türkiyənin heç bir şübhəsi yoxdur: «Biz bu məsələlərdə Azərbaycanın dəstəyini həmişə hiss edirik». /ANS TV/

Günün ikinci yarısında Apellyasiya Məhkəməsində Hacı Məmmədov və onun dəstəsinin apellyasiya şikayəti üzrə məhkəmə prosesi davam edib.

   Təqsirləndirilən Mehman Həsənovun vəkili İbrahim Sadıqlı çıxış edib. O bildirib ki, müvəkkilinin atası uzun illər MTN-də işləyib. Nümunəvi işçi və ailə başçısı kimi tanınıb. Mehman özü 26 il orqanda çalışıb. O yalnız Hacı Məmmədovun verdiyi ifadələrə görə həbs edilib. Gön dəri zavodunun sahibi İliyevin izlənmə epizodu üzrə aydınlıq gətirən vəkil bildirib ki, həmin zavod Həsənovun sahəsində yerləşdiyindən dostunun sözünü yerə salmayıb, onun haqqında məlumat toplamaq istəyib. Bir neçə dəfə zavodun ətrafında göründükdən sonra İliyevin cangüdənləri Mehmanı döyüblər. Hacı isə ona iş bacaran olmadığını deyib. Bununla da onun fəaliyyətinə son qoyulub.

    Azərbaycanın Baş Prokurorluğu İstintaq İdarəsinin mühüm işlər üzrə müstəntiqi Mahir Nağıyevin həbsi faktını təsdiq edib. Prokurorluğun məlumatında deyilir ki, Baş Prokurorluğun Korrupsiya Əleyhinə İdarəsi tərəfindən Nağıyevə qarşı 311.3.2 (təkrar rüşvət alma) və 309.1-ci (vəzifə səlahiyyətlərini aşma) maddələrlə ittiham irəli sürüb. Nəsimi rayon Məhkəməsinin qərarı ilə sabiq müstəntiq barəsində 3 ay müddətinə həbs qətimkan tədbiri seçilib. Bu barədə Turan-a Baş Prokurorluğun mətbuat xidmətindən bildiriblər.